تجربة أول بازار لسنده
الغرض من
المدونة دي
إنو الناس
تعيش معاي
وتستفيد من
تجربة بزنس
ناشئ عشان
مافي زول
يكرر نفس
الخطأ.عاوزة أحكي
ليكم عن
تجربة أول
بازار كانت
في مركز
حور النسائي
بالخرطوم ،
شاركته بكمية
بسيطة من
دونات الشوكولاته
والحمدلله قدرته
أبيع أكثرمن
نصف الكمية.لغايت
هنا الكلام
جميل والدنيا
كلها بنمبي
*بنبي.بديت شغل
بعد صلاة
الصبح مباشرة
والعجنة طلعت
جميلة واتخمرت
بطريقة أجمل
، لكن
فجأة لمن
جيت أحمرالدونات
في الزيت
، الدونات
لصقت وأبت
تطلع من
ورق الزبدة
، بعد
محاولات طلعت
ولكن طبعا
بعد طلع
نصف كمية
الهواء الفيها
والشكل الجميل
المنفوخ بااااااااظ
، وهنا
كانت الصدمه
قعدته 5دقايق
أفكر ،
أمشي البازار
وأجرب حظي
وأشوف آراء
الناس مع
إني عارفة
إنو أنا
بأقدر أعمل
أحسن من
كده ولا
أبطل الشغل
ده من
أساسه ،
هنا قررته
إنودي فرصة
للتجربةوأنا
ماخسرانه شيء
وقلته توكلت
على الله
وأكيد ربنا
قدَر كده
لحكمة.مشيت
البازار والشيء
الأنا ماتوقعته
إنو كل
الناس أثنوا
جدا على
العجنة وفي
ناس قعدوا
يسألوا من
سر الوصفة
وقدرته أبيع
وأغطي التكاليف
.وحكيت الحكاية
دي لي
؟عشان مافي
زول يعمل
الخطأ الكبير
الأنا عملته
والهو التجربة
في اللحظات
الأخيرة (
طبعا السبب
في انو
الدونات لصقت
إنو استخدمت
نوع جديد
من ورق
الزبدةماحصل
جربتوا قبل
كده ،
فأوووعا تجربوا
في الزباين
)والشي الأهم
والطلعته بيه من
التجربة ماتخاف
من التجربة
، في
النهاية أنا
زادت ثقتي
بنفسي وعرفته
آراء الزبائن
المتوقعين وعملته
Networking تشبيك كويس
جدا وزاد
عددمتابعين سنده.#عيش
التجربة.
#دونات في السودان _Donuts in Sudan .للتعرف على سنده اضغط هنا
 | |
|
 | |
|
 | |
|
الصورة الأخيرة تمثل شعار سنده ، أدوني آراؤكم عشان لو م عجبكم نعمل واحد تاني.
ردحذف