كيف أبدأ مشروع منزلي صغير أو متناهي الصغر؟

Sanda سنده

دونات في السودانDonuts in Sudan

ماحتكلم عن الموضوع بالطريقة النظرية 1...2.....لالا لا حنخش في الجد طوالي
بسم الله نبدا طريقة تأسيس مشروع منزلي صغير أو متناهي الصغر
 كسرة :أنا خريجة إدارة أعمال لكن لست متخصصه في إدارة المشاريع أو دراسات الجدوى ،و لكن عندي حببببة علم + حببة التجربة ، يعني كلامي ما مسلمات لكن هو عكس لأفكار ومعتقدات وبعض النظريات العلمية والتجارب الواقعية.
في ناس بيعتقدوا لدراسة مشروع  إلا تجيب متخصص ، ، لالالالالالالالالا و لا، إنت بادي مشروع صغير وفي الغالب ماعندك قروش تدفع للمتخصص من وين؟؟؟ ( لكن لو عندك معرفه وبيعملوا ليك مجان خش على طووووووول:)
طيب لي أصلا أعمل دراسة مأخش السوق طوالي ؟لالالا
اتخيل نفسك ماشي مشوار لأول مره في حياتك وعارف الخريط في راسك بس، ماعارف المسافه كم كيلو بالضبط بالتالي ماعارف استهلاك البنزين ، ماشايل أكل ولا استك زايد للطوارئو ... ، يمكن تنسى الخريطه ، احتمال تقيف تسأل في الطريق كل شويه ،أو ..... أكيد حتتعطل وتتاخر أو تفشل في الوصول
الدراسة بتكون زي خريطه في يدك بتوضح ليك الطريق ومخاطره وكل الطرق المؤدية لنقطة الوصول وأسرعها وأقصرها ، وبتكون عامل احتياطي لكل شيء وماحتطر تقيف كثير وتسأل لو مشيت عليها صح إلا إذا جاء زلزال( كوارث طبيعيه)
حتعمل شنو :
- تدخل على عمو قوقل ، أيوا نعم وتكتب( كيفية عمل دراسة جدوى  وكيفية عمل نموذج عمل Business study & Business model canvas ) كدي حتكون فكرة عامه عن الموضوع ، وفي ناس ظريفين موفرين ليك القوالب جاهزة ماعليك إلا تملاها
بأنصح اول بملء الBusiness model Canvas لأنها سهل ومختصرة ( عبارة عن ورقة واحده فقط).
للناس الزيي النمط تعلمهم بصري( يعني مابيفهموا كويس إلا يكون في أستاذ قدامهم )بأنصح بالYoutube.
حنوقف لغايت هنا تكونوا عملتوا الواجب ، وحنجي المره الجايه نشرح  أكثر في الموضوع
فكرة:  ابدأ اكتب كلمة واحده تمثل فكرتك مثال : دونات ، دونات في السودان ، دونات منزلية الصنع ، دونات المخابز ، .......الخ وتبدأ تستخدم كل الكلمات البسموها المفتاحيه ( امشوا قوقل يوريكم ليها )حتشوف أول شيء هل منتجك موجود في السوق؟ وين(المنافسين )؟ متى يتم شراؤه؟ القوة الشرائية؟كيف يتم عرضه؟كيف يتم الترويج ؟ الأسعار؟ ......دي بنسميها ال4Ps
حنقيف لحد هنا وحنجي المره الجايه نتكلم عن ال4Ps وهي شنو ولي بندرسها

نصيحه : دائماً ابحث عربي ، انجليزي

منتظرة رأيكم في المقال تحت .
ربنا يوفق الجميع.
دوناتDonuts
Sandaسنده